قصيدة ........ ماعوفك كذب

ماعوفك كذب اسكتهن ويبجن
والدمع الوان عيوني وعالبواجي
مالهن ثاني ....
شلت بيدي الجمر والحركة احس بالروح
ولا گلت للشماتة الجمر جواني ...
اطحن قهر والهم ياكل ويا الروح
متشوفين ذكرياك فوك حيطاني
عفتني باليل وحدي والطريق طويل
تيهتك ....
وجرحي عليك دلاني ....!!
ماعوفك جذب والكالك جذاب
ولا تقدر حبيبي في يوم تنساني
من تضحك ..
تردك ضحكتك للشوك
ومن تحزن
تشوف ابعينك احزاني
اسرارك بگلبي وما بحت فد يوم
ولا گدرو علية وباگو الساني
ضميتك جرح واتوجة على الاهات
ومكابر ضحكتك اكبال عدواني
من تيهت روحي ورادو ايدورون
اجو يمك لانك انت عنواني
فرغت سلتي وما ضل الية امتاع
ما حنيت .......؟؟؟؟؟
وانت ابوسط بستاني
حاطتني السيوف ويمي صار الموت
وانت ابعيد كاعد كلي شمتاني
ما ظن قصرت والعشرة صار اسنين
ورهمت على بردك طبع نيراني
بعدك بالگلب متربع ومرتاح
وعطرك لسه اشمه بين قمصاني
يالنايم عيونك ما تمل النوم واني
على السهر متعلمه اجفاني
بدموعي رويتك
همي بس تصير
عفت زرعي وتركتة وذبلت اغصاني
سألوني عليك وجاوبت الدمعات
اسكتهن .........
ولاكن غلبن لساني
عرفو كلشي بية
وكشفو الاسرار
لان حبك الوحدك هو بجاني
عشت وياك دنيا
ويوم يا كل يوم
سجين بقفص حبك
وانت سجاني ..؟؟؟؟؟؟
ابرد ثلج يمك واستر المضموم
اخاف عليك من نيران بركاني
دليت الفرح من شفتة يمك كان
اجت يمي الاحزان وهوو ماجاني

تحياتي لكم